PIDGIN ENGLISH EBOLA NEWS ACCORDING TO SAPELE TAFIA...

DELTA STATE EBOLA DON REACH PORTHARCOURT OOOOO.
Minister of health, professor Onyebuchi Chukwu, yesterday Thursday comfirm say two people for PortHarcourt, Rivers State, don get Ebola Virus Disease (EVD). This na the first time wen Ebola case don dey confirm outside Lagos since Liberian-
American Patrick Sawyer introduce the virus to Nigeria on July 20th.
Lagos State Health Commissioner Jide Idris, cum yarn during one news conference on the Ebola virus for Lagos,on Tuesday, Aug 26, 2014. Say Nigeria's health ministry don report two more cases of Ebola as e bring the country's total number of Ebola case to 15. Officials come also yarn on Thursday say one man wey dey work for the Economic Community of West African States,say d man recover from an Ebola infection without treatment, but d doctor wey treat d man die last week from the virus. The big question now be say,why d ECOWAS man nor die and d doctor die? Also how many other patients,friends,family members d doctor come in contact with before e break down?
Now d country don ascertain say na Six people nai don die from Ebola for Nigeria during this latest outbreak.

The World Health Organization (WHO) report dis Thursday say the virus don kill atleast 1,550 people and infected more than 3,000. The majority of dis cases na Liberia, Sierra Leone and Guinea. The WHO also talk on Wednesday wen pass so say, 80 people dey monitoring unit for Ebola for Democratic Republic of Congo for anoda fresh outbreak wey nor dey related to the one wey dey West Africa. Na for here i for shout say,e don burst.
Meanwhile, the U.S. Agency for International Development (USAID) dey make provision to send anoda additional $5 million to fight the Ebola outbreak for West Africa.
The new funding dem suppose use am for health equipment, training of health care workers and support of public outreach campaigns. But we dey fear make one Nigerian nor divert Nigeria own,if d money come. Becos the first money wey USAID committe enter Africa nearly $20 million to combat Ebola since wen dem first announce d first outbreak for March i nor understand becos d tin dey spread dey go. Na shortage of protective equipment nai be one of the major factor wey dey contribute to the epidemic of dis Ebola issue.
Now as this Ecowas man don carry e self travel from Lagos to Porthacourt go meet e immediate family we believe say e don contact many persons including he wife wey Federal Government don place under Quarantine and he children,including he immediate family members,friends and relatives before e collapse to meet the health officials within the Hospital wey e check enter. Most of dis pipo don contact am and dem don transfer to others also before dis issue of Porthacourt Ebola come out. From the Minister of Health dem don succeed to assemble over 70 persons including the man wife wey test positive under deir survellance.
We dey look am e dey go. If we sidon close mouth we nor go know when e go reach our door step. Federal Government don decide say make no school open till October becos dem dey fear the large number of students wey fit contact dis Ebola if e venture enter Schools. Even as Government dey yarn for air say make Schools nor resume yet,them still dey yarn say na only ONE Ebola case nai remain for deir custody due to say dem don curb the many cases wey dem get. With this i cum see say dem don dey wan Politicize Ebola issue again,as we dey get new cases and patients dey break d security units dey transport d virus to other locations,dem dey tell us say make we nor fear.
Nigeria’s Minister for Health, Onyebuchi Chukwu, yesterday confirm d report about the death of a doctor wey go treat one diplomat wey contact Ebola from a Liberian-American, Patrick Sawyer. The doctor die for Port Harcourt, capital of the oil-producing Rivers State. The minister yesterday confirm say the diplomat contact the virus, and say na the Ebola virus nai dey responsible for killing the late doctor. WAHALA FOR PH.
This na wetin the Minister yarn;
“A man who works for ECOWAS, a primary contact of the index case, evaded surveillance and travelled to Port Harcourt. He became ill and he went to [a] hospital in Port Harcourt for treatment,”.
The Good heart hospital nai be where the Doctor Ikechukwu Sam Enemuo wey dey sick,nai dem rush am to after he swegbe fall ill with d symptoms of Ebola.Report cum say d Doctor operate one woman on Monday after e secretly dey treat the diplomat. E cum fall ill next day,Tuesday and died last Friday. Nobody know about this hotel angle wey be very big risk,wey he take and unethical thing to do. This Doctor dey ill for 3 days,then e start to dey vomit blood with bloody diarrhoea. Them cum rush am go Prime,where dem reject am,na for dere dem for take am to Good heart,d MD na Cardiologist. A consultant physician with UPTH. He died there. Good heart dey EVO road for GRA PH2 THE Doctor wey die dey practice for East West Road Rumuokoro,Sam Steel clinic. The wife na also a Doctor and she get 3-months old baby. Report wey reach us dis morning be say there may have been 200 contacts of this devilish diplomat wey lure his young Doctor friend to dey hide dey treat am secretly b4 he go back to Lagos. We hear say he cum eventually submitte himself for Ebola check so dat e go get clearance certificate to fly out but he test positive and dem dey quarantine am now for lagos.
Na serious calamity nai dey unfold for Ph now. Unfortunately Ph health facilities nor dey quite ready to contain Ebola at the moment but some American experts and federal Health workers and WHO health workers dey town,however dem dey train some Doctors and other healthworkers and dem dey help out with contact tracing etc.
We dey beg the general public,most especially for Delta State here say we need to be on the watch, as some victims fit dey try to avoid to go clinic because them nor want make dem quarantine dem. Ebola na very deadly virus and we need to help the government spot out possible case so dat we go dey free again. About more than hundred people don dey quarantine. Please report cases as soon as observed. Ebola help lines PH - 08167733937, 07036321076, 08037025683 or 112. May the good Lord see us through. Amen.